Ամեն ոք, ով հեծանիվ է վարել, գիտի, թե որքան դժվար է պտտեցնել հեծանվի ոտնակները, երբ լեռ ես բարձրանում, ու որքան հեշտ է բարձունքից իջնելիս: Էլեկտրաշարժիչով ինովացիոն անիվը ցանկացած հեծանվային զբոսանք ի վիճակի է վերածել հաճույքի՝ այլևս ոտնակները պտտելու կարիք չկա։ Այս մասին գրում է novate.ru-ն:
Էլեկտրաշարժիչով տրանսպորտային միջոցը նվաճում է շուկան: Ժողովրդականություն են վայելում ոչ միայն էլեկտրամեքենաները, այլև էլեկտրական մոտոդելտապլանները, տրիվիլլերները, մոտոցիկլետները ու անգամ հեծանիվները: Սակայն այս հարցում Hycore ընկերության ինժեներներն ավելի առաջ շարժվեցին՝ ստեղծելով անսովոր անիվ:
Centinel Wheel անիվը հարմար է ցանկացած սպորտային, լեռնային ու քաղաքային հեծանիվների համար ու պետք է փոխարինի հետևի սովորական անիվին:
Centinel Wheel-ն ունի 2 էլեկտրաշարժիչ՝ 180 վատտ հզորությամբ, ու 3 հատ 24-վոլտանոց լիթիումա-իոնային մարտկոց: Centinel Wheel-ը ղեկավարվում է սմարթֆոնի օգնությամբ, որի հավելվածը թույլ է տալիս հետևել էներգիայի ծախսին ու տեղաշարժի արագությանը:
