Եմ հրապարակել է ամենամյա զեկույցը, որը վերաբերում է Եվրամիությանն անդամակցել ցանկացող երկրներին: Զեկույցում Թուրքիային խորհուրդ է տրվում աշխատել նոր սահմանադրության ընդունման ուղղությամբ: Այս մասին հաղորդում է Hurriyet-ը:
Անկարայի գործողություններին բարձր գնահատական է տրվել` կապված սեպտեմբերին ընդունված սահմանադրական փոփոխությունների հետ, որի արդյունքում իրականացվել է դատական համակարգի բարեփոխում, նվազել է զինվորականների դերը:
«Փոփոխությունները ճիշտ ուղղությամբ շարժվելու համար ճիշտ քայլ են», ասված է զեկույցի մեջ, որը մեջբերել է գերմանական Die Welt-ը: Սակայն Թուրքիայում մինչ հիմա գործում է 1980թ. հեղափոխությունից հետո ընդունված սահմանադրությունը, երբ 1960թ. սկսած չորրորդ անգամ զինվորականները դուրս մղեցին օրինական ընտրված կառավարությունները: ԵՄ-ն խորհուրդ է տվել ջանքեր գործադրել ժողովրդավարական գործընթացների համար:
«Նոր քաղաքացիական սահմանադրությունը ամուր հիմք կդառնա Թուրքիայում ժողովրդավարության հետագա ամրապնդման համար` եվրոպական ստանդարտներին եւ ԵՄ անդամակցության չափանիշներին համապատասխան», ասված է զեկույցում:
Թուրքիան քիչ հաջողություններ ունի կրոնական հարցերում, առաջընթաց չկա կանանց եւ արհեստակցական միությունների խնդիրներում, իչպես նաեւ «սահմանափակ արդյունքներ քրդական հարցում»:
Զեկույցը նաեւ անդրադարձել Կիպրոսի խնդրին` արձանագրելով կղզու թուրք-կիպրական համայնքների միջեւ շփումների իրականացումը, եւ Կիպրոսի Հանրապետության հետ հարաբերություններում առաջընթացի բացակայությունը:
ԵՄ ողջունել է Թուրքիայի վարած ավելի ակտիվ արտաքին քաղաքականությունը տարածաշրջանում, որը կնպաստի Թուրքիայի անդամակցության գործընթացին: