Իրավապահներն ավելի քան 300 միավոր զենք են հայտնաբերել ամերիկյան Տեխասում բայքերների փոխհրաձգության վայրում: The New York Times-ի հաղորդմամբ՝ խոսքը «ապշեցուցիչ զինանոցի» մասին է:
Ուեյքոյում բայքերների թշնամի ավազակախմբերի միջև փոխհրաձգության հետևանքով զոհվել է 9, վնասվածքներ ստացել 18 մարդ: Հրաձգությունը տեղի է ունեցել քաղաքի կենտրոնում՝ Twin Peaks բարում: Ավելի վաղ հաղորդվում էր, որ իշխանությունները մեղադրանք են առաջադրել 170 կասկածյալի:
The New York Times-ը տեղի ունեցածն անվանում է բայքերական խմբավորումների «ամենախոշոր և արյունոտ բախումը» վերջին տասնամյակներում:
Ոստիկանության սերժանտ Պատրիկ Սվենթոնի խոսքով՝ Twin Peaks բարի մոտ և դրա տարածքում ավելի քա 300 միավոր զենք է հայտնաբերվել:
Հայտնաբերված զենքերի մեջ կան, մասնավորապես, գրպանի դանակներ, զինվորական տիպի դանակներ, կաստետներ, ձողեր, շղթաներ, մեկ AK-47, 118 ատրճանակներ:
