Մոսկվայի «Սպարտակ»-ն ակումբի գլխավոր տնօրեն Ռոման Ասխաբաձեին կառաջարկի երկարաձգել իր պայմանագրի ժամկետը մեկ տարով, տեղեկացնում է euro-football.ru-ն:
Ավելի վաղ հաղորդվում էր, որ Ասխաբաձեն պետք է հեռացվի թիմից, իսկ ակումբի նոր գլխավոր տնօրեն կդառնա տնօրենների խորհրդի անդամ Լեոնիդ Ֆեդունի փեսան` Յուխան Գերասկինը: Բացի այդ, թիմի գլխավոր մարզչի պաշտոնից կհեռացվի Մուրատ Յակինը:
«Ասխաբաձեին կառաջարկվի նոր` մեկամյա պայմանագիր: 90 տոկոսով կհեռացվի թիմի գլխավոր մարզիչ Մուրատ Յակինը»,- հաղորդել է ակումբին մոտ կանգնած աղբյուրը:
Հավելենք, որ շվեյցարացի մասնագետը գլխավորել էր Մոսկվայի «Սպարտակ»-ը 2014 թվականի ամռանը, կնքելով երկու տարվա ժամկետով պայմանագիր: Ռուսաստանի 2014/15 առաջնության շրջանակներում Մոսկվայի «Սպարտակ»-ը 28 հանդիպումներից հետո իր ակտիվում ունի 43 միավոր և զբաղեցնում է առաջնության աղյուսակի 6-րդ հորիզոնականը:
