Ադրբեջանական Trend.az կայքի փոխանցմամբ, ԵԽ-ը վճռել է Թուրքիա ուղարկել իր հատուկ ներկայացուցչին, ով կզբաղվի Թուրքիայում մամլո ազատության խնդրի ուսումնասիրությամբ: Այս մասին հայտարարել է ԵԽ գլխավոր քարտուղար Թյորբորն Յագլանդը.
«Էրդողանի հետ այսօր կայացած հանդիպման ժամանակ որոշում է ընդունվել Թուրքիայում մամլո ազատության ուսումնասիրման մասին, ինչի համար էլ մոտ ապագայում Թուրքիա կայցելի մամլո ազատության գծով հատուկ ներկայացուցիչը»:
Միևնույն ժամանակ, Յագլանդը չի նշել հատուկ ներկայացուցչի ինքնությունը և այցի ժամկետը:
Հիշեցնենք, որ օրեր առաջ Մամուլի միջազգային ինստիտուտը (IPI) հայտարարեց, որ ձերբակալված լրագրողների ցուցանիշով Թուրքիան աշխարհի բացարձակ առաջատարն է.
«Ներկայումս թուրքական բանտերում են գտնվում 57 լրագրողներ: Այդպիսի իրավիճակչ կա աշխարհի որևէ այլ երկրում: Նախորդ տարվա դեկտեմբերի դրությամբ 1-ին տեղը միմյանց միջև էին կիսել Չինաստանն ու Իրանը`34-ական ձերբակալված լրագրողներով»:
