«Աբովյանում մտավորականները, մանկավարժները և երիտասարդները համախմբված են Արթուր Հարությունյանի շուրջը», -«Առաջին լրատավական»-ի հետ զրույցում ասաց գյուղատնտեսական գիտությունների թեկնածու Սերգեյ Մանվելյանը ՝ հավելով, որ արդեն հավաքվում են և քննարկում ընտրությունների վերաբերյալ հարցեր ՝ հաշվի առնելով այն, որ արդեն տեսանելի են խարդավանքներ, աբովյանցիներին շփոթելու, վախեցնելու քայլեր: Դրա վառ օրինակը, ըստ նրա, այն է, որ գրանցվել է նաև մեկ այլ թեկնածու` իրենց թեկնածուի անուն- ազգանունով, հայրանունով.«Վարձկան է դա խարդավանք է , թույլ մարդկանց վերաբերմունք, խոսում է այն մասին, որ իրենք փորձում խանգարել», -նշեց Սերգեյ Մանվելյանը:
Ըստ նրա՝ Աբովյանում ընտրությունները միշտ խեղաթյուրվել են, քաղաքապետը ոչ թե ընտրվել, այլ նշանակվել է. «որպեսզի դա կանխվի` պիտի ձերբազատվել վախից և անտարբերությունից»:
Սերգեյ Մանվելյանը նաև շեշտեց, որ ակնհայտ է՝ Գագիկ Ծառուկյանը աջակցում է Վահագն Գևորգյանին, բայց կարևորը ոչ թե անձի աջակցությունն է, այլ այն, թե ինչ կարող է նա անել քաղաքապետի պաշտոնում. «Պատրաստ են բոլոր ստորությունների, բայց հասարակությունը պետք է իր խոսքը ասի, պասիվ չլինի»:
ճարտարապետ Վաչագան Թադևոսյանը, գեղանկարիչ Ժորա Բարսեղյանը, բանաստեղծ Էդվարդ Անտինյանը, մանկավարժ Էմմա Մշեցյանը, ֆիզիկոս. տեխնիկական գիտությունների թեկնածու Գրիգոր Մնացականյանը ևս հայտարարեցին, որ հույսեր են կապում Արթուր Հարությունյանի հետ և կարծում են, որ Աբովյանում անհրաժեշտ են փոփոխություններ և, ինչպես ասվում է, «գյուղ կանգնի` գերան կկոտրի», այնպես աբովյանցին միասնաբար տեր կկանգնի իր քվեին:
Նրանց դիտարկմամբ, այսօր Աբովյանում բազմաթիվ խնդիրներ կան ՝ մշակութայինից միչև գործազրկություն և այլ հարցեր, ամենակարևորը` աբովյանցին անհրաժեշտ է, որ դառնա քաղաքացիական հանրության ներկայացուցիչ ՝ ցույց տալով իր դիրքորոշումը:
Եիրտասարդ տնտեսագետ Նարեկ Իգիթյանը իր հերթին շեշտեց, որ Աբովյանում այսօր երիտասարդությունը կարծես անտեսված է.«Ներուժը կա, բայց չեն կարողանում այն կիրառել , կարծում եմ ՝ փոփոխություններ են պետք»,-ասաց նա:
Մանրամասները՝ տեսանյութում
