Թուրքիայի Փամուքքալե համալսարանին կից կրիաների ուսումնասիրության, փրկության և վերականգնման կենտրոնի մասնագետները կրիայի համար ծնոտի տիտանային պրոթեզներ են ստեղծել: Այս մասին հայտնում է Mignews-ը:
Նշվում է, որ մասնագետները կենդանուն գտել են 2014 թ. Հուլիսին, վերին և ստորին ծնոտների կոտրվածքով:
Վնասվածքի պատճառով կենդանին չի կարողացել ինքնուրույն սնվել, ուստի խնամակալները նրան ձեռքով են կերակրել:
Համակարգչային տոմոգրաֆիայի օգնությամբ 3D-տպագրության մասնագետները պրոթեզների փորձարկման համար կրիայի գանգի մոդելն են մշակել: Պրոթեզի ստացման աշխատանքը երկու ամիս է տևել: Հետո Btech ընկերությունը պատրաստի մոդելներով տիտանե պրոթեզներ է ստեղծել:
Արդյունքում կենդանուն վիրահատել են: Վիրաբուժական միջամտությունից հետո 3 շաբաթ է անցել, կրիան իրեն լավ է զգում, ինքնուրույն ուտում է:
