ԱՄՆ նախագահ Բարաք Օբաման ուրբաթ օրը հարգել է կյանքից հեռացած բլյուզի արքա Բի Բի Քինգի հիշատակը և համաշխարհային երաժշտության զարգացման մեջ նրա վաստակը:
Նշենք, որ հայտնի կիթառահարը մահացել է 90 տարեկանում` ԱՄՆ Լաս Վեգաս քաղաքում:
«Բլյուզը կորցրեց իր թագավորին, իսկ Ամերիկան`լեգենդին»,-գրել է Օբաման`երաժշտի մահվան կապակցությամբ հատուկ ուղերձում:
«Ոչ ոք ավելի շատ չէր աշխատում, քան Բի Բի Քինգը: Ոչ ոք ավելի շատ երաժիշտների չի ոգեշնչել: Ոչ ոք ավելին չի արել` բլյուզի կտակարանի տարածման համար»,-ասել է Օբաման:
«Նա մնում էր ձեր գլխում, նա ստիպում էր ձեզ շարժվել և անել բաներ, որոնք, հնարավոր է, պետք չէր անել, բայց դուք միշտ ուրախ էիք, որ անում էիք դրանք: Բի Բին, գուցե և հեռացել է, սակայն այդ զգացումը կմնա մեզ հետ ընդմիշտ: Եվ արդեն այսօր դրախտում ցնցող բլյուզ երեկույթ կլինի»,-հավելել է նա:
