Չեմպիոնների լիգայի կիսաեզրափակչի շրջանակներում Մադրիդի «Ռեալ»-ը սեփական հարկի տակ ընդունեց Թուրինի «Յուվենտուս»-ին:
Առաջին խաղում 2:1 պարտվելուց հետո իտալացի մասնագետ Կառլո Անչելոտիի սաները ցանկանում էին ռևանշի հասնել «ծեր սենյորա»-ի նկատմամբ և դուրս գալ Չեմպիոնների լիգայի եզրափակիչ:
Հանդիպման հաշիվը բացվեց առաջին խաղակեսում, երբ հյուրերի պաշտպան Ջորջո Կիելինին խախտեց կանոնները «սերուցքայիններ»-ի կիսապաշտպան Խամես Ռոդրիգեսի նկատմամբ: Քրիշտիանու Ռոնալդուն 11 մետրանոց նշանակետից չվրիպեց:
Պատասխան գնդակը խփվեց երկրորդ խաղակեսում: Գոլի հեղինակ դարձավ Ալվարո Մորատան:
Այսպիսով, երկու հանդիպումների ընդհանուր արդյունքում (2:3) եզրափակիչ փուլ դուրս եկան «ծեր սենյորա»-ի ֆուտբոլիստները: Եզրափակիչ փուլում «Յուվենտուս»-ը կհանդիպի կատալոնական «Բարսելոնա»-ին:
Հիշեցնենք, որ Չեմպիոնների լիգայի 14/15 մրցաշրջանի եզրափակիչը տեղի կունենա հունիսի 6-ին, Բեռլինում:
«Ռեալ»-«Յուվենտուս»` 1:1
1:0 Ռոնալդու 11մ. (23՛), 1:1 Մորատա (57՛)
