Իտալական Ferrari ընկերության դիզայներ Ֆլավիո Մանզոնին նախագծել է թռչող ավտոմեքենա՝ ՉԹՕ-ի դիզայնով: Այս մասին գրում է Daily Mail-ը:
Դիզայներն ինքը գիտաֆանտաստիկ գրականության և ֆիլմերի երկրպագու է, որից էլ ոգեշնչված՝ նախագծել է սուպերմեքենան:
Թռչող մեքենայի դիզայնը նման է 1980-ականներին «Դիսնեյ ընկերության նկարահանած Flight of the Navigator ֆիլմի թռչող սարքին:
Մանզոնին ասել է, որ նա փորձել է պատկերացնել մեքենան այնպիսի դիզայնով, որն ապագայում կօգնի թռչող մեքենաներ արտադրելու գործին:
Նշվում է, որ Մանզոնիի գաղափարներն ու գծագրերը կյանքի է կոչել Գիոմ Վասյորը՝ եռաչափ մոդելավորման համակարգչային ծրագրով:
