Դորտմունդի «Բորուսիա»-ի մարզական տնօրեն Միխայել Ցորկը հայտարարել է, որ թիմի գլխավոր մարզիչ Յուրգեն Կլոպը կարող է ակումբ վերադառնալ, երբ ցանկանա:
Մասնագետն ապրիլին հայտարարել է, որ ընթացիկ մրցաշրջանի ավարտից հետո հեռանալու է զբաղեցրած պաշտոնից: Ավելի ուշ հայտնի է դարձել, որ ակումբային գրանցումը կարող է փոխել Մատս Հյումելսը:
«Հյումելսը հիանալի խաղային որակներ ունի: Պատահական չէ, որ նրա ծառայություններով հետաքրքրված են բազմաթիվ ակումբներ: Սակայն Մատսի տրանսֆերի շուրջ «Բորուսիա»-ն դեռ պաշտոնական առաջարկ չի ստացել որևէ ակումբից: Իհարկե, ֆուտբոլիստներն իրավունք ունեն ինքնուրույն որոշում կայացնել իրենց ապագայի վերաբերյալ: Բայց «Բորուսիա»-ն չի պատրաստվում հրաժարվել Հյումելսի ծառայություններից:
Ինչ վերաբերում է Կլոպին, ապա նա ամեն ինչ արդեն որոշել է: Յուրգենը կարող է «Բորուսիա» վերադառնալ, երբ ցանկանա: Մեր ակումբի դռները միշտ բաց կլինեն նրա առջև»,- Sky Sport-ը մեջբերում է Ցորկի խոսքերը:
