Նավթի համաշխարհային գներն աճում են՝ արձագանքելով ԱՄՆ-ում նավթի պաշարների տվյալներին: Այս մասին հայտնում է RIA Novosti-ն՝ վկայակոչելով առևտրի տվյալները:
Հաղորդվում է, որ Brent ապրանքանիշի նավթի հունիսյան մատակարարումների ֆյուչերսային գործարքների գինը բարձրացել է 1.1%-ով՝ մինչև 66.57 դոլար 1 բարելի դիմաց: WTI տեսակի նավթի հունիսյան մատակարարումների ֆյուչերսային գործարքների գինն աճել է 1.54%-ով՝ մինչև 59.48 դոլար 1 բարելի դիմաց:
ԱՄՆ էներգետիկայի նախարարության էներգետիկ տեղեկատվության հարցերով վարչությունը չորեքշաբթի օրը հայտնել է 1 շաբաթում երկրում նավթի կոմերցիոն պահուստների աճի մասին՝ 1.9 մլն բարելով կամ 0.4%-ով՝ մինչև 490.9 մլն բարել:
Phillip Futures-ի ներդրումային վերլուծաբան Հոուի Լիի խոսքով, որը մեջբերում է Agence France-Presse-ը, պահուստների թույլ աճը ենթադրում է խորքային խնդիրների առկայություն, քանի որ նվազում են արտահանման ծավալները, պակասում են արտադրական ներդրումները, ինչպես նաև սպառողները խուսափում են ծախսերից՝ չնայած վերջերս նավթի էժանացմանը:
Համաշխարհային արժույթների համեմատ դոլարի էժանացումը ևս նպաստում է «սև ոսկու» գնի դրական դինամիկային: Այսպես. Երևանի ժամանակով ժամը 23.39-ի դրությամբ դոլարի ինդեքսը նվազել է 0.47%-ով՝ մինչև 94.76 կետ:
