Երևանի Արարատյան մասիվ վարչական շրջանի ընտրատեղամասերից մեկում հանձնաժողովի անդամին, ով նաև «Ժառանգություն» կուսակցությունից է, 80 հազար դրամ են առաջարկել՝ լցոնումների առաջ աչքերը փակելու համար: «Առաջին լրատվական»-ի հետ զրույցում հանձնաժողովի անդամն ասաց, որ երեք անգամ իրեն կանչել և կաշառք են առաջարկել. «Չվերցրի, ասացի, որ ոչինչ չեմ ասի, միայն թե կաշառք չառաջարկեն»,- նշեց նա:
Հիշեցնենք, որ Հայաստանի նախագահի պաշտոնին հավականում է 7 թեկնածու. ՀՀԿ առաջնորդ, Հայաստանի գործող նախագահ Սերժ Սարգսյանը, «Ժառանգություն» կուսակցության ղեկավար Րաֆֆի Հովհաննիսյանը, «Ազատություն» կուսակցության առաջնորդ, նախկին վարչապետ Հրանտ Բագրատյանը, «Ազգայի ինքնորոշում միավորում» կուսակցության նախագահ Պարույր Հայրիկյանը, «Ռադիո հայ» ընկերության խորհրդի նախագահ, քաղաքագետ Անդրիաս Ղուկասյանը, ԼՂՀ նախկին ԱԳ նախարար Արման Մելիքյանը, և էպոսագետ Վարդան Սեդրակյանը:
Այս ընտրությունները Հայաստանի նորանկախ պատմության ընթացքում 6-րդ նախագահական ընտրություններ են. 1991 թվականին (Լևոն Տեր-Պետրոսյան), 1996 թվականին (Լևոն Տեր-Պետրոսյան), 1998 թվականին (Ռոբերտ Քոչարյան), 2003 թվականին (Ռոբերտ Քոչարյան), 2008 թվականին։ (Սերժ Սարգսյան):
