Այսօր թիվ 181 դպրոցում տեղակայված 8/16 ընտրատարածքում ամուսինը ընտրություն կատարեց կնոջ փոխարեն: Ամուսինը կնոջ քվեաթերթիկը ձեռքին մոտեցել է քվեախցին և անգամ կնոջը չհարցնելով, թե որ թեկնածուին է քվե տալու, նշումը կատարել: Դեռ քվեաթերթիկը ծրարի մեջ չդրած՝ Aravot.am-ի տեսախցիկն արձանագրել է այդ փաստը:
Եվ երբ Aravot.am-ը հանձնաժողովի նախագահին և մյուս անդամներին ասել են, որ դա օրենքի խախտում է, կինը սկսել է բղավել, որ լավ չի տեսնում ամուսինն է, այդ պատճառով էլ ամուսինն իր փոխարեն ընտրեց. «Տո էս կյանքում էնքան անարդարություններ կան, հենց է՞ս ձեր աչքին երևաց: Մենք էնքան մաքուր ու ազնիվ, արդար մարդիկ ենք, տղես պատերազմի մասնակից է»: Պատասխանեցինք, որ ըստ օրենքի, այդ քվեաթերթիկը պետք է անվավեր համարել, և եթե կինը տեսողական խնդիր ունի, ապա պետք է դիմել ընտրատեղամաս եկած ընտրողներից որևէ անծանոթ մեկին, նաև ամուսնուն: Ընդ որում, որպեսզի ամուսինը կարողանա օգնել կնոջն քվեարկելու համար, նախապես պետք է հանձնաժողովին տեղյակ պահի, և գրանցամատյանում էլ այդ մասին արձանագրվի: 8/16 ընտրատեղամասի հանձնաժողովի նախագահ Վահան Մովսեսյանը ասել է, որ քվեաթերթիկը անվավեր չճանաչեցին, բայց հետո մատյանում գրանցել են:
