Գավառից ստացած ահազանգի համաձայն՝ երեկ Գավառի քաղաքապետարանում ընտրակաշառք է բաժանվել նախագահի թեկնածու Սերժ Սարգսյանի համար: Գումարը եղել է 5 հազար դրամ: Ընդ որում, քաղաքապետարան այցելած և իրավիճակին ականատես եղած գավառցիները պատմում են, որ ընտրակաշառքի համար հսկայական հերթ է եղել:
Իսկ ուշ երեկոյան Գավառի Հացառատ թաղամասում ավագանին և Գավառի քաղաքապետ Գուրգեն Մարտիրոսյանի մարդիկ տնետուն ընկած 5 հազար դրամ ընտրակաշառք են առաջարկել: Նշենք, որ Գավառի քաղաքապետը մարտի 1-ով հայտնի դատավոր Մնացական Մարտիրոսյանի հորեղբոր տղան է:
