Հազարավոր մարդիկ երեկ մասնակցել են Մադրիդի կենտրոնում տեղի ունեցած «Սպիտակ ալիք» ցույցին: Ակցիայի նպատակն էր բողոք արտահայտել պետական 20 հիվանդանոցներից 6-ը և 268 բժշկական կենտրոններից 27-ը սեփականաշնորհելու՝ իշխանությունների ծրագրի դեմ: Այս մասին հաղորդում է EFE իսպանական լրատվական գործակալությունը:
Ցույցը սկսվել է կեսօրին Իսպանիայի մայրաքաղաքի Պլասա-դե-Սիբելես հրապարակում: «Առողջությունը չեն վաճառում, այն պաշտպանում են» կարգախոսով փողոց են դուրս եկել Մադրիդ նահանգի արհմիությունների աշխատակիցներ, բժշկական միավորումների, ինչպես նաև առողջապահական ոլորտի աշխատակիցներ: