Այսպես կոչված՝ Քեյթի էֆեկտը կրկնապատկել է բրիտանական հղիների համար Seraphine ապրանքանիշի վաճառքի ծավալները, գրում է The Daily Mail-ը: Քեմբրիջի դքսուհին հենց այդ ընկերության արտադրանքն է նախընտրել իր երկու հղիությունների ժամանակ:
Միդլթոնին առաջին անգամ Seraphine-ի հագուստով տեսել են 2 տարի առաջ: Այս ընթացքում ընկերության վաճառքի ծավալները կրկնապատկվել են: Նշվում է, որ ապրանքանիշի արտադրանքը գնել են նույնիսկ ոչ հղի կանայք:
Միաժամանակ, հավելում է թերթը, բրիտանական արքայական ընտանիքի երկրպագուներն արդեն սկսել են հավաքվել Լոնդոնի սուրբ Մարիամի հոսպիտալի մոտ, որտեղ, ինչպես ենթադրվում է, դքսուհին կծննդաբերի իր երկրորդ երեխային: Շատ երկրպագուներ ազգային դրոշներ, փուչիկներ և պաստառներ են տարել:
