Իտալական Սան Մարտինոյում զույգին տուգանել են չափազանց բարձրաձայն սեքսի համար, գրում է The Daily Mail-ը: Թերթը նշում է, որ սիրահարների աղմուկը նրանց հարևաններին ստիպել է տեղափոխվել:
Հարևանները զույգին առաջին անգամ դատի են տվել դեռևս 2009 թ.՝ ասելով, որ «կրքի գոռոցները» խլացնող են, և որ սեքսի աղմուկը չի թողնում քնել ո՛չ իրենց, ո՛չ իրենց երեխաներին: 2011 թ. տղամարդուն դատապարտել են 4 ամսվա ազատազրկման, իսկ նրա ընկերուհու անունով աղմուկի մակարդակի նվազեցման վերաբերյալ որոշում է ընդունվել: Սակայն իտալացիները վիճարկել են այդ վճիռը, և հիմա դատարանը տուգանել է նրանց:
Տուգանքի ընդհանուր չափը գերազանցում է 12 500 եվրոն, որից մոտ 9 700 եվրոն փոխհատուցում է հարևաններին:
Նշվում է, որ աղմկոտ զույգի հարևան բնակարանը նախկինի պես դատարկ է:
