«Ես ապրում եմ նորմալ կյանքով, ես լավատես եմ, ես ոչ մի բանի համար չեմ անհանգստանում,- այսպես է Շառլ Ազնավուրը պատասխանել «Պոզներ» ծրագրի եթերում նրա երկարակեցության մասին հարցին: -Ես չգիտեմ, արդյոք հավատում են Աստծուն, սակայն կարծում եմ, որ նա, ում Աստված են անվանում, կարող է մեզ տալ ամեն անհրաժեշտը»:
Ազնավուրը խոստովանել է, որ դիետաներ չի պահում. «Չի կարելի աղ շատ օգտագործել, չի կարելի շաքար շատ օգտագործել, չի կարելի ճարպոտ ուտելիք ուտել… Ես այդ ամենին հետևում եմ»: Շանսոնյեն հայտարարել է նաև, որ սպորտով չի զբաղվում, սակայն միշտ փորձում է մեջքն ուղիղ պահել. «Երբ սկսում ես մեջքդ ծռել, ոտքերդ քաշ ես տալիս, և դրանից բացի, հարկավոր է միշտ այնպիսի տպավորություն թողնել, որ քեզ մոտ ամեն ինչ կարգին է: Դա շատ կարևոր է, քանի որ դու թե ուրիշներին են ոգևորում, թե ինքդ քեզ»:
Շառլ Ազնավուրը խոստովանել է, որ չգիտի, թե որտեղից է ուժ ստանում. «Ես ուղղակի անհաջողակ չեմ, կան ծնված պահից անհաջողակներ, իսկ ես նրանց հակառակն եմ»: Ընդ որում, նա ավելացրել է, որ նա կասկածող մարդ է, «սակայն դա կյանքը չի բարդացնում, այլ ընդհակառակն»: «Երբ դու գիտես, որ ցանկացած դժբախտություն էլ հնարավոր է, ապա հանգիստ ես և պատրաստ ես աշխատել, որպեսզի ազատվես դժբախտությունից,- բացատրել է նա: -Իսկ նա, ով դժբախտությունների մասին տեղյակ չէ, երբ դրանք թափվում են նրա գլխին, նա նախորոք արդեն մահանում է»:
Շառլ Ազնավուրը պատմել է, որ ապրիլի 24-ին անպայման Երևան կժամանի, որպեսզի մասնակցի Հայոց եղեռնի զոհերի հիշատակին կազմակերպված միջոցառումներին: «Պետք չէ անտեսել այն ինչ տեղի է ունեցել,- հայտարարել է նա: -Թուրքերին հարկավոր է ասել, որ ճիշտն ասելու ժամանակն է»:
Շանսոնյեի կարծիքով՝ թուրքերը Հայոց ցեղասպանությունը երկու պատճառով են հրաժարվում ընդունել՝ «Նրանք չեն կարող ընդունել այդ փաստը, քանի որ նրանց մոտ ամենագլխավոր բառը «պատիվն» է, և դա կարելի է հասկանալ: Սակայն, ևս մեկ պատճառ կա՝ մարդիկ չափազանց հարստացել են այն ամենի վրա, ինչը հայերին է պատկանել»:
Ընդ որում, ինքը Շառլ Ազնավուրը, թուրքերի նկատմամբ ատելություն չի զգում, և դա նրան մայրն է սովորեցրել, ով Ցեղասպանության ժամանակ կորցրել է ամբողջ ընտանիքը. «Մայրս չէր ատում թուրքերին, նա միշտ ասում էր, որ թուրքերի մեջ էլ լավ մարդիկ կան»:
Երգիչը բարձր է գնահատել Հռոմի պապի արտահայտությունն այն մասին, որ Հայոց ցեղասպանությունը 20-րդ դարում մարդկության դեմ ամենասարսափելի հանցագործություններից մեկն է եղել. «Հռոմի պապը այն հազվադեպ մարդկանցից է, ովքեր ճիշտն են ասում և աջակցում են ճշմարտությանը՝ ոչնչից չվախենալով, առանց վախի և մեղադրանքներին»,- հայտարարել է Ազնավուրը:
