Վրաստանի մայրաքաղաք Թբիլիսիի քաղաքապետ Գիգի Ուգուլավան ներկայացել է հարցաքաննության Հին Թբիլիսիի ոստիկանություն: Ինչպես հաղորդում է Trend գործակալությունը, նա նման որոշում է կայացրել Թբիլիսիի դատարանի որոշումից հետո, որը համաձայնել էր բավարարել նրան բերման ենթարկելու միջնորդությունը:
Ուգուլավան հարցաքննվելու է որպես վկա փետրվարի 8-ի իրադարձությունների հետ կապված, երբ Ազգային գրադարանի շենքի մոտ Ազգային շարժման կողմնակիցները, այդ թվում և՝ Ուգուլավան, ենթարկվել էին ամբոխի հարձակմանը:
«Ես միշտ ասել եմ, որ պատրաստ եմ համագործակցել հետաքննության հետ, սակայն պահանջում եմ հարցաքննել նաև ներքին գործերի նախարար Իրակլի Գարիբաշվիլիին, որը մինչև հետաքննություն անցկացնելն արդեն մեղադրել է ընդդիմությանը բախումներ հրահրելու համար»,- ասել է քաղաքապետը ոստիկանության շենք մտնելուց առաջ:
