Հայոց ցեղասպանության 100-րդ տարելիցը հազարավոր կանադահայերի միավորել է Քուինսի այգում։ Կիրակի նրանք հավաքվել էին հայերի պատմության ամենամութ գլխի 100-րդ տարելիցը ոգեկոչելու համար։
Կանադայում Հայաստանի դեսպան Արմեն Եգանյանը նշել է, որ ապրիլի 24-ը, երբ թուրքական իշխանությունները ձերբակալել են 300 հայ մտավորականների, ովքեր այնուհետև սպանվել են կամ աքսորվել, պատմականորեն համարվում է Մեծ Եղեռնի մեկնարկի ամսաթիվը, որի ժամանակ 1.5 մլն հայ է սպանվել։ Այս մասին հայտնում է The Star-ը։
«Մեծ եղեռնը 20-րդ դարի առաջին ցեղասպանությունն է. փաստ՝ ճանաչված աշխարհի կողմից։ Չկա որևէ հայ, որի վրա Ցեղասպանոթյունն անդրադարձած չլինի։ Հավատացեք ինձ, չեք գտնի մի հայի, որն ընտանիքի անդամ կորցրած չլինի ցեղասպանությունում»,- ասել է Եգանյանը՝ հավելելով, որ Թուրքիայի ժպտողականությունը չպետք է հանդուրժվի միջազգաին հանրության կողմից։
Ամերիկահայ ռեժիսոր Ատոմ Էգոյանի խոսքով՝ թուրքական կառավարությունը շարունակում է զբաղվել վտանգավոր պետական ժխտմամբ՝ մեծամասամբ այն պատճառով, որ արևմտյան կառավարությունները վերջերս են միայն սկսել պատասխանատվություն պահանջել։
«Մենք սովոր ենք ներել։ Սակայն պատշաճ ներելու համար մեզ անհրաժեշտ է իրական զղջում զգալ։ Մենք հստակ և միանշանակ ներողության կարիք ունենք»,- ասել է Էգոյանը։
