Դերասաններ Թոմ Քրուզի ու Քեթի Հոլմսի դուստրը՝ Սուրին, դարձավ աստղային առաջին երեխան, որ արժանացավ դեռատի կուռքի կոչման դեռ մինչև քայլել կարողանալը: Ծնվելուց հետո երեխան հայտնվեց մամուլի ուշադրության կենտրոնում: ELLE-ը պարզել է, թե աստղային երեխաներից ով է գնում նորաձև ծնողների հետքերով, իսկ ով՝ ինքնուրույն ձևավորում թրենդներ:
Սուրի Քրուզ
Երբեմն Սուրին պապարացիների մոտ ավելի մեծ հետաքրքրություն է առաջացնում, քան իր ծնողները: 8-ամյա աղջիկը մանկական նորաձևության թրենդի հիմքերում է, նրա աղջկական ոճը կրկնօրինակում են բազմաթիվ մայրիկներ: Տիկնիկով շրջելու նրա սովորույթը կրկնօրինակեցին բազմաթիվ աստղային երեխաներ:
Ուիլոու Սմիթ
Ուիլ Սմիթի ու Ջադա Պինկետի դուստրը արդեն 14 տարեկան է, նա ընթանում է ծնողների ճանապարհով: Աղջիկն առանձնանում է հագնվելու իր յուրահատուկ ոճով՝ անձամբ թելադրելով թրենդներ և շեշտը դնելով ավանգարդի վրա: Նա հաջողությամբ միահյուսում է կանանց ու տղամարդկանց զգեստապահարանի հագուստները:
Ռոմեո Բեքհեմ ու Հարփեր Սևեն Բեքհեմների ընտանիքում ոճի զգացումը երեխաներին ներարկվում է մոր կաթի հետ: Ընտանիքի ամեն անդամ Վիկտորյայի ուշադրության կենտրոնում է: Ռոմեոն վերջերս դարձավ Burberry ընկերության գովազդային դեմքը: Սակայն 3 տարեկան քույրը ոչ պակաս ֆոտոգենիկ է:
Տաբիտա ու Մերիոն Բրոդերիկ
Սառա Ջեսիկա Փարքերի 5 տարեկան զույգ աղջիկները կրում են միանման իրեր, միայն թե տարբեր գույների:
Ֆլին Բլում
Դերասան Օռլանդո Բլումի ու թոփ-մոդել Միրանդա Քերի որդին՝ Ֆլինը, կրում է սպորտային հագուստ:
Քինգսթոն Ռոսդեյլ
Գվեն Ստեֆանիի ու Գևին Ռոսդեյլի որդին անընդհատ փոխում է ոճը:
Շայլո Նուվել Ջոլի-Փիթ
Անջելիա Ջոլիի ու Բրեդ Փիթի դուստրը ՝ Շայլոն, ցուցադրում է ոչ միանշանակ թրենդ՝ տղայական ոճ: 8-ամյա աղջկա զգեստապահարանում չկա ոչ մի զգեստ ու կիսաշրջազգեստ, այլ միայն տաբատներ, մարզակոշիկներ, կեդեր:
