«Հերիք ա վարչապետից սկսած սաղ թալանեն, մի քիչ էլ թող ժողովրդի մասին մտածեն, գլուխը բարձին դնելուց առաջ թող մտածեն՝ ժողովրդի համար ինչ են արել»,- «Առաջին լրատվական»-ի հետ զրույցում նշեցին «Քրջի շուկա»-ի առևտրականները:
Նրանք ասացին, որ թեև 1 տարի առաջ վարչապետ նշանակվելուց հետո Հովիկ Աբրահամյանը խոստացել էր, որ փոփոխություններ են լինելու, ոչ մի դրական փոփոխություն չի եղել: «Ավելի է վատացել վիճակը, սաղ իրենց ընտանիքի ու շրջապատի մասին են մտածում, մի կոպեկ անգամ չեն մտածում ժողովրդի մասին, որ մտածեին՝ էս օրը չէինք լինի»,- հուսալքված նշեցին նրանք:
Առևտրականները հիմնականում թոշակառուներ են: Ըստ նրանց՝ եթե կենսաթոշակների մասով ճիշտ քաղաքականություն լինի, և թոշակները ոչ թե կոպեկներով, այլ զգալի բարձրանան, ոչ մի թոշակառու փողոցում ստիպված չի լինի կանգնել: Ըստ նրանց՝ եթե «չթալանեն», թոշակները բարձրացնելու ուղի կգտնեն, բայց չեն կարողանում, որովհետև վերից վար բոլորը կոռումպացված են: «Իշխանություն չունենք, ընդդիմությունն էլ շատ թույլ ա, որոշիչ դեր չունի, և ընդհանրապես՝ բոլորը միայն իրենց մասին են մտածում»,- ասացին նրանք:
Մանրամասները ՝ տեսանյութում:
