Իսլանդիայի կառավարությունը ցանկանում է ամբողջովին արգելել պոռնո կայքեր մուտք գործել, պատասխանատվության ենթարկել այդ կայքերից օգտվողներին և նույնիսկ փակել սթրիփ-ակումբները: Դա արվում է երեխաների պաշտպանության և երկրում սեռական բռնությունների մակարդակի նվազեցման նպատակով:
Իսլանդիան, եվրոպական այլ պետությունների հետ համեմատած, փոքր է, սակայն եթե այդ օրինագիծը ընդունվի, այն կարող է եվրոպական այլ պետությունների համար նախադեպ հանդիսանալ:
Կառավարության որոշ անդամներ կարծում են, որ երեխաները հեշտությամբ են մուտք գործում պոռնո կայքեր, և միակ միջոցը դրանից խուսափելու համար ամբողջ ազգաբնակչության համար այդ կայքերի մուտքի արգելափակումն է, գրում է Gizmodo-ն:
Կառավարության անդամները համոզված են, որ պոռնոգրաֆիան և սթրիփ-ակումբները աջակցում են երկրում սեռական բռնությունների տարածմանը:
Սակայն այլ երկրների փորձը ցույց է տվել, որ պոռնո ֆիլմերը ոչ թե տարածում, այլ ընդհակառակը, նվազեցնում են հասարակության մեջ սեռական բռնությունները, քանի որ սեռական կյանքում բարդույթներ ունեցողները իրենց սեռական ցանկությունները մաստուրբացիայով են բավարարում:
Ներկա պահին պոռնոգրաֆիայի արգելքը գործում է Իրանում, Սաուդյան Արաբիայում, Եմենում և մի շարք այլ երկրներում:
