Նիկ Քեյվը պատմել է, որ իր The Bad Seeds խմբի նոր Push the Sky Away ալբոմի շապիկի լուսանկարը, որում պատկերված են ինքն ու նրա կինը՝ մոդել Սյուզի Բիկը՝ մերկ, որը մազերով փակել է դեմքը, արվել է գրեթե պատահաբար՝ արտիստի կնոջ ֆոտոշարքն անելիս: Այս մասին Քեյվը պատմել է The Sun թերթին, փոխանցում է lenta.ru-ն:
Լուսանկարը ստեղծել է Դոմինիկ Իսերմանը, որին Քեյվը նկարագրել է, որպես «անհավանականորեն փայլուն լուսանկարչի»: Դոմինիկը Սյուզիին լուսանկարել է ֆրանսիական ամսագրի համար: Ընդմիջման ժամանակ նկարահանման սենյակ է մտել Քեյվը: Խալաթով Բիկն ամուսնուն խնդրել է բացել պատուհանը, երբ երաժիշտը կատարել է կնոջ խնդրանքը, նա նետել է խալաթը, Իսերմանը մի քանի լուսանկար է արել:
Հետո ամուսինները որոշել են, որ այդ լուսանկարներից մեկը շատ հարմար կլինի ալբոմի շապիկի համար:
«Իհարկե, սկզբում ինձ համար անհարմար էր բոլորին անխտիր ցուցադրել «Սա մեր ալբոմի շապիկն է, առաջին հերթին՝ այստեղ իմ կինն է կանգնած, երկրորդ՝ նա մերկ է» գրությամբ լուսանկարը, բայց հետո շապիկն ու Սյուզին սկսեցին ընկալվել որպես ալբոմի մաս: The Bad Seeds-ի և Նիք Քեյվի թվով 15-րդ ալբոմը վաճառքի կհանվի 2013-ի փետրվարի 18-ին:
