ԱՄՆ նախագահ Բարաք Օբաման կարծում է, որ ԵՄ-ը մինչև Մինսկի համաձայնագրերի իրականացումը պետք է պահի Ռուսաստանի դեմ պատժամիջոցները:
«Իմ խորապես համոզմունքն է, որ ԵՄ-ը պետք է պահի այդ պատժամիջոցները, քանի դեռ մենք չենք տեսնի Մինսկի համաձայնագրերի լիարժեք իրականացումը»,- ասել է նա` Սպիտակ տանն Իտալիայի վարչապետ Մատեո Ռենցիի հետ մամլո ասուլիսի ժամանակ:
ԱՄՆ նախագահի խոսքերով` ԵՄ-ի առաջիկա գագաթնաժողովի ժամանակ դրա բոլոր մասնակիցները Ռուսաստանին ազդանշան կուղարկեն, որ պատժամիջոցները չեն թուլացվի, քանի դեռ չեն արվի «գլխավոր քայլերը»:
