«Առաջին լրատվական»-ի զրուցակիցն է ՀԽ ձերբակալված անդամ Գևորգ Սաֆարյանի եղբայրը՝ Արմո Սաֆարյանը:
Եթե ՀԽ ձերբակալված անդամների նկատմամբ առաջադրված մեղադրանքը հաստատվի,ապա նրանց սպառնում է 2-5 տարվա ազատազրկում: Արդյոք պատրաստվո՞ւմ եք դիմել որոշակի քայլերի կամ դատարանի միջոցով բողոքարկել Գևորֆ Սաֆարյանի կալանավորման որոշումը:
Ես կարծում եմ, որ ներկա զարգացումներն ուղիղ կապով կապված են Գևորգի ակտիվության հետ , ոճը շատ բնորոշ է ներկայիս իշխանություններին, քանի որ քաղաքացիական ակտիվությունը ճնշելու, լռեցնելու ամանահեշտ եղանակը գտել են ձերբակալությունը՝ շատ անգամ աբսուրդի հասնող մեղադրանքների տեսքով: Գևորգին շատ են բերման ենթարկել՝ որպես կանոն դա եղել է զարգացող ակտիվությունը ճնշելու նպատակով և որպես կանոն 3 ժամվա ընթացքում բաց են թողել: Սա առաջին դեպքն է, որ մեղադրանք ներկայացվեց և նա կալանավորվեց: Սպասում ենք երկու ամսվա զարգացումներին, որից հետո պարզ կլինեն մեր հետագա քայլերը:
Շատերը կարծում են, որ Ապրիլի 24-ից հետո ՀԽ ձերբակալված անդամներն ազատ կարձակվեն, քանի որ խնդիրը նրանց միչև Ապրիլի 24-ը և բուն Ապրիլի 24 –ին անազատության մեջ պահելն է: Դուք ևս այդպե՞ս եք կարծում:
Եթե դատենք ներկայիս զարգացումներից, ապա կարծում եմ, որ հենց այդպես էլ կլինի, քանի որ մինչ այժմ ոչ մի լուրջ փաստ, իրեղեն ապացույց չեն ներկայացրել: Եթե այս ընթացքով շարունակվի, ապա տրամաբանական կլինի, որ միչև վերջ էլ ապացույց ի հայտ չի գա: Եվ փաստերի բացակայության պատճառով ազատ կարձակեն:
Ասացիք` բավարար ապացույցներ չկան, այս խուզարկության ընթացքում ի՞նչ իրեր են հայտնաբերվել ձեր տանը:
Բոլոր սենյակները խուզարկել տարել են անգամ անձնական իրեր, նույնիսկ հայրենասիրական երգերի սկավառակ, տարել են այնպիսի փաստաթղթեր, որոնք իմ հետ կապ ունեն: Նույն հասցեում գործում է նաև իմ տպագրական արհեստանոցը և, հետևաբար, այնտեղ կան մետաղական իրեր: Տարել են իմ ԱՁ-ին պատկանող տպագրական հաստոցը, ենթադրելով, որ թռուցիկներ պետք է պատրաստվեր Հիմնադիր խորհրդարանի համար:Իրենց ընտրությամբ մետաղական երկու ձող են տարել, եթե դա կասակածելի են համարել, կարող էին ավելի հետաքրքիր բաներ տանել:
Գևորգ Սաֆարյանին որոշ դեպքերում ներկայացրել են նաև որպես սադրիչ, ի՞նչ վարքագիծ ունի նա տանը, ընկերների շրջապատում:
Առհասարակ, սադրիչ ձևակերպումը մեղադրանքների առումով բավականին տարածված է դարձել, քանի որ ցանկացած քաղաքացիական ակտիվություն իշխանությունների կողմից շատ հաճախ որակվում է որպես սադրանք: Այն հիմնական գործիքներից մեկն է դարձել, փաստորեն , եթե դու դժգոհ էս մի բանից` դու արդեն պոտենցիալ սադրիչ ես, այս տրամաբանությամբ այդպես է ստացվում: Իրան սադրիչ համարել` զուտ իշխանական վերսիայի մաս է ընդամենը: Առահասարակ, առօրյայում իրա հետ շփվող մարդիկ բոլորը կհաստատեն, որ ինքը չափազանց հանգիստ է, հավասարակշռված ու միակ բանը ինչ «սադրիչի» կերպարի հետ կարող է ասոցացվել, դա նրա չափից շատ սկզբունքայնությունն է , երեբեք սկզբունքներից հրաժարվելու ոչ մի նշան ցույց չի տալիս:
Հարցազրույցն՝ ամբողջությամբ տեսանյութում
