Ամերիկացի և բրազիլացի կենդանաբանները սովորական վամպիրների (Desmodus rotundus չղջիկներ) ԴՆԹ-ի ուսումնասիրություն են արել: Պարզվել է՝ ամենից հաճախ չղջիկները հավի արյուն են ծծում, բայց ամենից շատ խոզ են սիրում: Վամպիրների սննդակարգի առաջին մասշտաբային ուսումնասիրությունը ներկայացված է Journal of Mammalogy ամսագրում:
Չղջիկների մասնագետները վատ չեն պատկերացնում, թե որ տեսակներն են գրավում այդ գիշատիչների ուշադրությունը, սակայն վամպիրների նախընտրությունների հարցում գլուխ հանելը հեշտ չէ. նրանց կղանքում գրեթե չեն մնում ոսկորների մասեր և սննդի այլ կոշտ մնացորդներ:
Մանաուսցի կենսաբանները վերցրել են 157 չղջիկի ԴՆԹ-ի նմուշները, որոնք բռնվել են 47 գիշերում 18 ամազոնյան գյուղերի շրջակայքից:
Արտաթորանքների մոտ 60%-ի մեջ գիտնականները հավերի ԴՆԹ են հայտնաբերել: Երկրորդ տեղում խոզերի ԴՆԹ-ն է (30%): Սակայն սովորական վամպիրների սիրելի սնունդը պարզել են վիճակագրությամբ՝ հաշվելով բոլոր գյուղերում ընտանի հավի և անասունի քանակը: Պարզվել է՝ չղջիկները խոզերի արյուն 7 անգամ ավելի հաճախ են խմել, քան պետք է հետևեր տարածքում վերջինների տարածվածությունից: Գիտնականների կարծիքով՝ խոզի արյան նկատմամբ սերը կապված է վամպիրների թքի առանձնահատկությունների հետ, որն ավելի լավ է հարմարված կաթնասունների արյան ջրիկացմանը: Բացի դրանից՝ խոզերի էրիթրոցիտների կոնցենտրացիան ավելի բարձր է:
Վամպիրների կղանքում գիտնակնները նույն տարածքում ապրող վայրի կենդանիների ԴՆԹ չեն հայտնաբերել. ըստ ամենայնի, տնային կենդանիները միշտ ավելի հասանելի զոհ են: Մարդու ԴՆԹ-ի հետք ևս կղանքում չի հայտնաբերվել:
