Ներքնաշորերի և լողազգեստների ամենահայտնի բրենդը ներկայացնող մոդելների խմբի մեջ են մտնում երկրագնդի ամենագեղեցիկ աղջիկները: Թեկուզ և նրանց մեջ չկան Հարվարդն ավարտածներ, «հրեշտակները» փորձում են խելացի բառեր արտաբերել և նույնիսկ ամբողջ նախադասություններ, որով էլ զվարճացնում են տղամարդկային լսարանին: Հասկանալի է, որ նրանք ինքնուրույն չեն մտածել կոլեկտիվ շնորհավորանք տեսագրել. այդպիսին է բրենդի քաղաքականությունը:
Այս անգամ որոշում է կայացվել հեռանալ սովորական ֆորմատից:
Victoria’s Secret-ը չէր կարող անտեսել տարվա ամենազգայուն տոնը՝ Սուրբ Վալենտինի օրը: Սակայն տեսանյութի մոդելները ոչինչ չեն ասում: Բառեր հարկավոր չեն, երբ հնչում է Թոմի Էդվարդսի “Love Is All We Need” երգը:
Փետրվարի 14-ի համար հրեշտակները հիասքանչ տեսահոլովակ են պատրաստել: Տեսագրման մասնակիցներն են Քենդիս Սվեյնփոլը, Բարբարա Պալվինը, Լիլի Օլդրիջը և Բեհատի Փրինսլուն: Կիսամերկ մոդելները սիրահարներին երջանկություն և նրբություն են ցանկանում: Նրանց իդեալական մարմինները VS հավաքածուի «վալենտինյան» ներքնաշորերով պետք է տոնի նախօրեին սիրահարների մոտ կիրք առաջացնեն:
