Ականանետ որոնող բրիտանացի զինված ոստիկանները ներխուժել են Թյուքսբերի քաղաքի բնակչի տուն: Daily Mail-ի փոխանցմամբ՝ պարզվել է, որ ականանետը խաղալիք է:
Գլոսթերշիր կոմսության ոստիկանները խուզարկության օրդերով հայտնվել էին 43-ամյա Յան Դրիսքոլի տան շեմին՝ սպառնալով կոտրել դուռը, եթե տղամարդը հրաժարվի ինքնակամ նրանց ներս թողնել: Դա տեղի է ունեցել մեկ ամիս անց այն բանից, երբ Դրիսքոլը Facebook-ի իր էջում տեղադրել է լուսանկար, որում պատկերված է եղել իր արտաքինով խաղալիք զինվոր, իսկ հետևի ֆոնին երևացել է ականանետի մի հատվածը: Ակնհայտորեն, անհայտ օգտատերը ոստիկանությանը տեղեկացրել է այդ մասին:
Ռազմական խաղալիքների սիրահարը այդ պատմությունը համարում է ծիծաղելի, քանի որ ակնհայտորեն այն խաղալիք է: Լուսանկարում պատկերված է եղել նաև հեռուստացույցի հեռակառավարման վահանակը, որի չափերով կարելի էր պատկերացում կազմել ականանետի չափերի մասին:
