Բրիտանացի դերասան Ռուպերտ Գրինտը գլխավոր դեր կխաղա CBS հեռուստաալիքի «Սուպեր Քլայդ» («Super Clyde») կատակերգական սերիալում,- հաղորդում է The Hollywood Reporter-ը:
Սերիալի գլխավոր հերոս կդառնա արագ սննդի սպասարկման սրճարանի աշխատակից Քլայդը: Նրան նկարագրում են՝ որպես անինքնավստահ մարդու: Քլայդը կոմիքսների մեծ սիրահար է և մի օր որոշում է, որ ինքը ևս պետք է գերհերոս դառնա: Նրա համար նման հնարավորություն է ստեղծվում, երբ խոշոր ժառանգություն է ստանում, որը նրան բաժին է հասնում մահացած հարազատից:
«Սուպեր Քլայդի» գաղափարը ձևավորել է սցենարիստ Գրեգորի Գարսիան: Տեղեկություն այն մասին, թե ֆիլմը երբ հասանելի կլինի ցուցադրության համար, դեռ չկա:
Ռուպերտ Գրինտը հանրությանը ծանոթ է Հարի Փոթերի մասին ֆիլմից:
