Բելգիայի մայրաքաղաք Բրյուսելի մետրոն սուրբ Վալենտինի օրվա կապակցությամբ այցելուներին դիմավորել է սիրո մասին երգերով և վարդերով: Ինչպես հաղորդում է ITAR-TASS-ը, անցումի օպերատոր STIB ընկերությունը մայրաքաղաքի «Նոստալժի» ռադիոկայանի հետ նախօրոք ընտրել է սիրո մասին երգերի 48 համաշխարհային հիթեր՝ Լուի Արմսթրոնգից մինչև Միլեն Ֆարմեր, Scorpions-ից մինչև Ադամո:
Առավոտյան մետրոյի մի քանի կենտրոնական կայարանների հարթակներում զբոսնող փափուկ արջերը ուղևորներին նվիրել են վարդեր և տոնական գրկախառնություններ:
Բրյուսելի այն բնակիչներին, որոնք աշխատանքի են հասնում մեքենայով, նույնպես հասել է տոնական տրամադրությունը: Ավանդույթի համաձայն՝ մայրաքաղաքի մի քանի կենտրոնական մայրուղիների վրա ակտիվիստ ուսանողները լուսարձակների կարմիր ազդանշաններին փակցրել են սրտերի ձևով ցուցանակներ:
Բրյուսելի ոստիկանությունն իր հերթին զգուշացնում է, որ լուսարձակների վրա ցուցանակներ փակցնելը վարչական խախտում է համարվում: Սակայն իրավապահ մարմիններն այսօր «մատների արանքով են» նայում այս չարաճճիությանը, քանի որ ցուցանակները փակում են լուսարձակող մակերեսի ոչ ավել, քան 10%-ը:
