«Դինամո» հանրապետական մարզադաշտի մոտ գտնվող հնամաշ իրերի հայտնի «Քրջի շուկա»-ում հոգնել են խոսել իրենց վիճակի մասին. ասում են՝ արդեն ոչ թե ճգնաժամ է, այլ օրհասական վիճակ է:
«Գնողունակությունը նվազել է ամբողջ հանրապետությունում, մեզ մոտ առվել ևս հնամաշ իրեր ենք վաճառում՝ մեր կամ ընկերների տներից վերցրած, կամ լուծարված գործարաններից, բայց ժողովուրդ չկա, Հայաստանում մնացող մարդիկ նույնիսկ մեր ապրանքն են դժվարանում առնել: Շաբաթ, կիրակի ենք կանգնում, օր կա՝ կարանք ցամաք հացի փող վաստակենք, օր կա՝ ընդհանրապես ոչինիչ»,- «Առաջին լրատվական»-ի հետ զրույցում նշեցին հնամաշ իրերի վաճառքով զբաղվողները:
«Քրջի շուկա»-ում հիմնականում թոշակառուներ են առևտրով զբաղվում. «Թոշակի փողով ինչ կարաք անենք, ստիպված ստեղ ենք, ղսմաթ եղավ՝ առևտուր կանենք, չեղավ՝ չենք անի»,- ասացին նրանք:
Ապրանքների գները սկսում են 10 դրամից, ամենաթանկ իրերն արժեն 4000 դրամ: Այստեղ կարելի գնել ռադիոտեխնիկայից մինչև հագուստ, թեյնիկ:
Առևտրականները նշեցին, որ «սրանից 2 տարի առաջ կարողանում էին վաստակած գումարով ոչ միայն ցամաք հաց առնել, այլև կռուպեղեն», սակայն հիմա իրավիճակը կտրուկ փոխվել է, պատճառները բազմաթիվ են, նախ՝ հնամաշ իրերի վաճառքով զբաղվող մարդկանց տեղից տեղ տարան, կիսեցին, հաճախորդները պակասեցին և ամենագլխավոր պատճառը արտագաղթն է:
Մանրամասները՝ տեսանյութում:
