Հունաստանի խորհրդարանական ընդդիմությունը, ի դեմս Արմատական ձախերի կոալիցիայի, քննադատել է երկրի կառավարությանը, որը չորեքշաբթի օրը Ալբանիայի և Իտալիայի հետ ադրբեջանական գազը Եվրոպա արտահանելու համար Տրանսադրիատիկ գազատար կառուցելու մասին պայմանագիր է ստորագրել,- հայտնում է RIA Novosti-ն:
Ընդդիմության կարծիքով՝ այս պայմանագրի ստորագրումը օգտակար կլինի ԱՄՆ-ին, որին ձեռնտու չէ Հունաստանի և Ռուսաստանի էներգետիկ համագործակցությունը:
Կոալիցիայի հայտարարությամբ՝ կառավարությունը չի տեղեկացրել ընտրողներին և կուսակցությանը, թե ինչպես համաձայնագրի հատատումը կազդի այլ էներգետիկ նախագծերի վրա, ներառյալ՝ Ռուսաստանի հետ համատեղ «Հարավային հոսք» գազատարն ու Թուրքիա – Հունաստան – Իտալիա խողովակաշարը (ITGI): Կոալիցիան նաև հիշեցրել է համաձայնության ստորագրմանը ԱՄՆ պետքարտուղարի երկրորդ տեղակալ Էրիկ Ռուբինի ներկայության մասին:
Ավելի վաղ ԱՄՆ-ը հույս էր հայտնել, որ Հունաստանը կկարողանա բազմազան դարձնել գազի ստացման աղբյուրները, որը ներկայումս նա ստանում է Ռուսաստանից: Հունաստանի ընդդիմության կարծիքով՝ ԱՄՆ-ը միջամտել է DEPA գազային ընկերության և նրա դուստր DESFA ընկերության մասնավորեցմանը, որին հավակնում են նաև 2 ռուսական ընկերություններ՝ «Գազպրոմն» ու «Նեգուսնեթը»: