Ֆրանսիայի նախկին նախագահ Նիկոլյա Սարկոզին մտադիր է իր թեկնածությունն առաջադրել 2017 թ. նախագահական ընտրություններում: Այդ մասին հայտարարել է Բորդոյի քաղաքապետ Ալեն Ժյուպեն, ով Սարկոզիի կառավարման տարիներին զբաղեցնում էր երկրի արտաքին գերատեսչության ղեկավարի պաշտոնը:
Ժյուպեն նշել է, որ նախկին նախագահն ուշադիր հետևում է քաղաքական դաշտում կատարվող իրադարձություններին: «Մենք հեռախոսազրույց ենք ունեցել, և ես հասկացել եմ, որ նա պահպանում է իր զգոնությունը»,- ասել է Ժյուպեն «Էլ-սե-պե» հեռուստաընկերության եթերում: Հաղորդավարի այն հարցին, թե արդյո՞ք Սարկոզին պատրաստվում է առաջադրվել նախագահական ընտրություններում, Ժյուպեն պատասխանել է, որ այո, նա դա շատ է ուզում: Եվ այն հարցին, թե ով է դա ավելի շատ ցանկանում՝ Ժյուպեն թե Սարկոզին, նախկին ԱԳ ղեկավարը ծիծաղելով պատասխանել է. «Անխոս՝ Սարկոզին:
ԶԼՄ-ներում տեղեկություններ էին հայտնվել, որ Սարկոզիի կինը չի ցանկանում, որպեսզի ամուսինը նախագահական ընտրություններում առաջադրի իր թեկնածությունը: Նա հայտարարել էր, որ Օլանդը վատ տարբերակ չէ, և նա կկառավարի առաջիկա 10 տարիներին: 5 տարի անց բարձրագույն պաշտոնը զբաղեցնելու համար պայքարի երկրորդ փուլում նա կհանդիպի աջակողմյան ազգային ճակատի առաջնորդ Մարին Լե Պենի հետ և, իհարկե, կհաղթի:
