Լոնդոնի «Չելսի»-ի գլխավոր մարզիչ Ժոզե Մոուրինյոն Goal.com-ի հետ զրույցում անդրադարձել է տիտղոսներ նվաճելու ճանապարհին հոգեբանական գործոնի կարևորությանը:
Պրեմիեր լիգայի ընթացիկ մրցաշրջանում «Չելսի»-ն 30 խաղից հետո գլխավորում է մրցաշարային աղյուսակն ու 7 միավորով առաջ է անցել երկրորդ տեղում գտնվող «Արսենալ»-ից, որը 31 խաղ է անցկացրել:
«Հոգեբանությունը կարևորագույն գործոն է տիտղոսներ նվաճելու ճանապարհին: Հիմա կարևորագույն և որոշիչ պահ է՝ կապված Չեմպիոնների լիգայի ուղեգրի, առաջնությունը լքելու հետ: Կարելի է 7-8 ամիս անհավանական լավ խաղ ցուցադրել ու մեկ պահում ամեն ինչ կորցնել:
Կարևոր է լինել հոգեբանորեն ամուր, հարմարվել տարբեր իրավիճակների: Նայում եմ ֆուտբոլիստներիս ու հասկանում, որ նրանք հանգիստ են: Նրանց համար հնարավոր չեմպիոնությունը գլխավոր մոտիվացիան է»,- հայտարարել է Goal.com-ը:
