Այսօր լրագրողները ԱԺ փոխխոսնակ Հերմինե Նաղդալյանից հետաքրքվեցին օրերս մեծ աղմուկ հանած ՀՀԿ կանանց լուսանկարների մասին:
Նաղդալյանը նշեց, որ այդ օրը կազմակերպվել էր մեծ միջոցառում, և նախատեսվածից շատ ավելի մարդ էր եկել, հետևաբար` նախապատրաստական աշխատանքները տևել են երկար: ԱԺ փոխխոսնակը շարունակեց բացատրել, որ բոլոր այդ կանայք եկել էին հանրապետության տարբեր մարզերից, հեռավոր համայնքներից և հավատում էին, որ Աստվածահաճո գործ են անում, իսկ իրար տեսնելիս ողջունում էին միմյանց, քաջալերում և ժպտում: Նա ակնարկեց, որ այդ լուսանկարներն արվել են ոչ թե բուն միջոցառման պահին, այլ միջոցառման նախապատրաստական փուլում:
