Ցանցահենները հայտնաբերել են, որ Միխայիլ Խոդորկովսկին մտադիր է ստեղծել նոր ԶԼՄ, որը կներառի տեղեկատվական-ժամանցային հեռուստաալիք և տեղեկատվական կայք։ Փաստաթղթերը՝ իբրև թե ապացուցող այդ տեղեկությունը, հայտնվել են «Պյատայա վլաստ» կայքում։
Ըստ հաքերների՝ Խոդորկովսկին նոր ԶԼՄ-ի վրա կծախսի 5,289 մլն դոլար։ Կայքում նշվում է, որ փաստաթղթերը վերցված են գործարար Օլգա Պիսպանենի մամուլի քարտուղարի արխիվից։
Հեռուստաընկերությունը, ենթադրաբար, կունենա V անունը։ Նրա բրենդը հաղթանակի նշանի տեսք կունենա՝ վեր բարձրացրած ցուցամատ ու միջնամատ։
Նոր ԶԼՄ-ի ստեղծմանն ու առաջխաղացմանը տրամադրվում է 2.5 տարի։ Աշխատակիցների աշխատավարձը կվճարվի դոլարով։ Ֆինանսավորումը կիրականացվի պրահյան ոչ առևտրային մի կազմակերպության, ինչպես նաև Եվրոպայում ու Մոսկվայում տեղակայված կոնտրագենտների միջոցով, վստահեցնում են հաքերները։
