Այսօր` ապրիլի 5-ին արտակարգ դեպք է տեղի ունեցել Գեղարքունիքի մարզում: Ժամը 06.00-ի սահմաններում Կարմիր գյուղի բնակիչ 36-ամյա Կարեն Խաչատրյանն ահազանգել է Կարմիրի գյուղապետ Միշա Դանիելյանին և հայտնել, որ իր տանը կից գտնվող գոմի տանիքը փլուզվել է, իսկ փլուզման տակ գառներ ու ոչխարներ են մնացել:
Ինչպես հատնում է shamshyan.com-ը, օպերատիվորեն ժամանել է գյուղապետը և տարածքային կառավարման ու արտակարգ իրավիճակների նախարարության փրկարար ծառայության Գեղարքունիքի մարզային փրկարար վարչության օպերատիվ խումբը, Գավառի թիվ 32 հրշեջ փրկարարական ջոկատը` մեկ մարտական հաշվարկով:
Փրկարարները, գյուղացիների ու գյուղապետի մասնակցությամբ, փլուզված տանիքի տակից դուրս են բերել 140-ից ավելի արդեն սատկած գառներ ու ոչխարներ:
shamshyan.com-ը հայտնում է, որ կան նաև գերանների հարվածից վնասվածքներ ստացած մեծ թվով գառներ ու ոչխարներ:
Մանրամասները՝ սկզբնաղբյուր կայքում