Իրանի արտաքին գործերի նախարար Ալի Աքբար Սալեհին հայտարարել է, որ Իրանը Ռուսաստանի հետ տիեզերական ոլորտում համագործակցության հույս ունի:
Նա Մոսկվայում լրագրողներին հայտնել է, որ Ռուսաստանի հետ համագործակցությամբ իրենք կարագացնեն այդ ոլորտում ձեռքբերումները:
Նախարարը հայտարարել է, որ ռուս-իրանական միջկառավարական հանդիպման արդյունքում ստորագրվել է եզրափակիչ արձանագրություն, որի դրույթներից մեկը նշում է Իրանի և ՌԴ-ի միջև տիեզերական ոլորտում համագործակցությունը:
Նա նաև նշել է, որ Իրանը իսլամական 57 երկրների շարքում միակն է, ով իր սեփական ուժերով արտադրում և գործարկում է արբանյակներ, որ Իրանը միակ երկիրն է, ով կարողացել է կլոնավորում իրականացնել կամ գենետիկ ինժեներիայի ոլորտում հետազոտություններ անցկացնել:
Սալեհիի խոսքերով՝ եթե երկիրը ցանկանում է «անկախ լինել և իր ապագան կառուցել իր ձեռքերով», ապա անհրաժեշտ է «վճարել դրա համար»:
Ըստ Սալեհիի՝ Իրանի ժողովուրդը բազմիցս ցույց է տվել, որ պատրաստ է ցանկացած գին վճարել սեփական անկախության համար:
