Մեր պատկերացումները Արևելքի երկրների ժամանակակից կանանց մասին նման են կարծրատիպերի: Արաբական որոշ it-girls-եր քիչ են տարբերվում եվրոպականից, իսկ երբեմն էլ նրանց դժվար է պահպանողական անվանել:
Elle-ն ներկայացնում է արաբ ամենաառաջադեմ գեղեցկուհիներին, որոնք նորաձև տրամադրություն են ձևավորում և առաջադեմ հայացքներով արևելյան կանայք են:
Դինա Աբդուլազիզ
Այս հետաքրքիր դիմագծերով, կարճ մազերով թխամորթի մեջ դժվար է նկատել Արևելքի արքայադստերը: Դինան, սակայն, իսկական արքայազնի՝ Աբդուլազիզ բին Նասեր բին Աբդուլազիզ ալ-Սաուդի կինն է, հաջողակ բիզնես լեդի ու ֆեշն-բլոգերների սիրելին:
Արաբական աշխարհի ամենաոճային կինը ոչ մի նորաձև իրադարձություն բաց չի թողնում և ընկերություն է անում ամենահայտնի դիզայներների հետ:
Ալանուդ Բադր
Ալանուդ Բադրը Դուբայի նորաձևության ամենահայտնի դեմքերից է: Արևելյան գեղեցկուհին սոցիալական մարքեթինգի մասնագետ է ու սեփական Lady Fozaza լեյբլի դիզայները:
Նրա բրենդը նախընտրում են կրել նաև հայտնի Քարդաշյան քույրերը:
Մախա Աբդուլ Ռաշիդ
Մախա Աբդուլ Ռաշիդը նորաձև բիզնես ունի և համարվում է Դուբայի it-girl-երից մեկը: Նրա շնորհիվ արաբական աշխարհում մեծ ճանաչում ունի Bambah բուտիկը: Բիզնես լեդին ինքը թուլություն ունի վինտաժային իրերի ու կանացի ոճի հանդեպ:
Դանա Մալխաս Գանդուր
Նա նորաձևության ցուցադրությունների մշտական այցելուն է, որն օրինակ է ծառայում արևելյան ժամանակակից աղջիկների համար: Նա իր տարվածությունը վերածեց բիզնեսի և այսօր Ջիդայում Cream Boutique-ի համահիմնադիրն է ու ստեղծագործական տնօրենը:
Նիմատի Շուխաիբար
Polkadots&Ribbons-ի հիմնադիր Նիմատի Շուխաիբարը արաբական նորաձևության ինդուստրիայի առանցքային կերպարներից է: Նա հայտնի ոճաբան է ու մանկական երեկույթների կազմակերպիչ:
