Հոլիվուդյան հայտնի դերասան Բրյուս Ուիլիսը դարձել է «Ֆրանսիայի Արվեստների և գրականության շքանշանի սպա»: Դերասանին պարգևը հանձնել է մշակույթի նախարար Օրելի Ֆիլիպպետին, հայտնում է France-Presse գործակալությունը:
Գործակալության տվյալներով՝ այս պատվին դերասանն արժանացել է համաշխարհային կինեմատոգրաֆիայում ավանդի համար: Պարգևի հանձնման արարողության ժամանակ Ուիլիսը շնորհակալություն է հայտնել իր մասնակցությամբ ֆիլմերը սիրելու համար: «Ամեն անգամ, երբ ես Ֆրանսիայում եմ և Փարիզում, ես ինձ զգում եմ ինչպես տանը: Ես պաշտում եմ իմ աշխատանքը, ես շարունակում եմ սիրել իմ մասնագիտությունը, որը մինչև հիմա ինձ ստիպում է ժպտալ»,- ասել է դերասանը:
Պարգևը հանձնում է Ֆրանսիայի մշակույթի նախարարությունը 1957-ից ի վեր «արտիստական կամ գրական ոլորտում ձեռքբերումների կամ Ֆրանսիայում և ամբողջ աշխարհում մշակույթի և գրականության տարածման համար»:
Ուիլիսը Հոլիվուդի ամենաբարձր վարձատրվող դերասաններից է: Նա առավել հայտնի է դարձել «Պինդ ընկույզ», «Հինգերորդ տարրը», «Արմագեդոն» ֆիլմերով:
