Վրաստանը և Ուկրաինան ստեղծում են համատեղ առևտրատնտեսական խորհուրդ

Թբիլիսիում կստեղծվի վրաց-ուկրաինական առևտրատնտեսական խորհուրդ:

Այդ նպատակով Վրաստանի մայրաքաղաքում են ուկրաինացի գործարարները, ովքեր հանդիպումներ կունենան կառավարության և արտաքին գործերի նախարարության ներկայացուցիչների հետ:

Վրաց-ուկրաինական առևտրատնտեսական խորհրդի ստեղծման նպատակը ներդրողների ներգրավումն է և երկու երկրների միջև առևտրատնտեսական հարաբերությունների խորացումը:

Խորհրդի նախագահը կլինի Յուրի Յարեմենկոն, ղեկավարը` Նիկոլոզ Գուգուշվիլին: