Մեծ քանակությամբ միրգ ու բանջարեղեն ուտելը, որոնք վատ են մաքրված քիմիական նյութերից, բացասաբար են ազդում սերմնահեղուկի որակի ու բեղմնավորման հավանականության վրա, պարզել են կենսաբանները: Այս մասին ասվում է Human Reproduction ամսագրում հրապարակված հոդվածում:
Հարվարդի համալսարանից Խորխե Չավարոն ու նրա գործընկերները եկել են այդ եզրակացության՝ 5 տարի շարունակ հետևելով բոստոնցի 155 տղամարդկանց ռեպրոդուկտիվ առողջությանը, որոնք համաձայնել էին մասնակցել հետազոտությանը:
Գիտնականները այդ ընթացքում հետևել են կամավորների դիետայում կատարված փոփոխություններին:
Ինչպես բացատրում են վերջիններս, մրգերն ու բանջարեղենը հնարավոր է բաժանել երկու պայմանական կատեգորիայի՝ մեծ քանակությամբ քիմիական նյութեր պարունակող և դրանց գրեթե բացակայությամբ: Առաջինում, մասնավորապես, հայտնվել են տաքդեղը, ելակը, խնձորը, տանձն ու սպանախը: Իրենց հերթին, ոլոռը, ընդեղենը, գրեյպֆրուտը և սոխը իրենց մեջ քիմիկատ գրեթե չեն հավաքում:
