Ֆրանսիայում ուժի մեջ է մտնում մուսուլման կանանց նկատմամբ փարանջա կրելու արգելքը: Բոլոր նրանց, ովքեր կխախտեն այս օրենքը, սպասվում է 150 եվրո տուգանք: Օրենքն ուժի մեջ է մտել այսօր, ինչը մեծ դժգոհություններ է առաջացրել ինչպես Ֆրանսիայում, այնպես էլ աշխարհի տարբեր երկրներում: Ավելին, «Ալ-Քաիդայի» մի շարք հայտարարություններում Սարկոզին զգուշացվել է այս քայլի վտանգավորության մասին: Նրան խոստացել են ահաբեկչական գործողություններ իրականացնել Ֆրանսիայի տարածքում, եթե օրենքն ուժի մեջ մտնի:
Մեծ տուգանքներ և կալանք է նախատեսվում նաև այն տղամարդկանց համար, ովքեր կստիպեն կանանց փակել դեմքն իրենց բնակարանից դուրս: 5 մլն մուսուլմանական բնակչություն ունեցող Ֆրանսիայում այս հարցը լուրջ քննարկումների պատճառ է դարձել, և օրինագծի հանդեպ, որն առաջարկել էր նախագահ Նիկոլա Սարկոզին, միանշանակ վերաբերմունք չկա: Ենթադրվում է, որ այս արգելքը Ֆրանսիայից հետո կտարածվի նաև Եվրոպայի մյուս երկրներում:
