Արաբական պետությունների լիգայի գագաթնաժողովին ընթերցել են Ռուսաստանի նախագահ Վլադիրմիր Պուտինի ուղերձը` հակահոուսիտական կոալիցիայի երկրների իշխանություններին, ինչը խիստ քննադատության է արժանացել Սաուդյան Արաբիայի պատվիրակության կողմից, հաղորդում է Reuters-ը:
Նամակում Պուտինը կոչ է արել արաբներին՝ «խաղաղ մեթոդներով, առանց արտաքին միջամտության» լուծել Եմենի հակամարտությունը և այլ ճգնաժամեր:
«Նրանք խոսում են Սիրիայում տեղի ունեցող ողբերգությունների մասին՝ շարունակելով զենք մատակարարել սիրիական վարչակարգին, որպեսզի վերջինս կռվի իր իսկ ժողովրդի դեմ»,- հայտարարել է Սաուդյան Արաբիայի արտգործնախարար Սաուդ Ալ-Ֆեյսալը` նշելով, որ Պուտինը Մերձավոր Արևելքի խնդիրների մասին այնպես է խոսում, կարծես թե Ռուսաստանը չի ազդում դրանց վրա:
Ալ-Ֆեյսալը հույս է հայտնել, որ Պուտինը կփոխի իր վարքագիծը: