Բրիթնի Սփիրսը հանգստյան օրերն ընկերոջ հետ անցկացրել է Հավայան լողափում։ Դժվար է չնկատել, որ նրա կազմվածքն այլևս առաջվանը չէ։ Հավանաբար, դրա պատճառը քաշի կտրուկ տատանումներն են. նիհարելուց հետո նա արագ քաշ է հավաքել, իսկ հետո նույնքան արագ նիհարել։
Լողափում նա ոչ միայն ցուցադրել է իր մարմինը բիկինով, այլև փայլել է նրա մատանին, որը, հավանաբար, ստացել է իր սիրեցյալ Չարլի Էբերսոլայից։
Վերջերս նա իր սիրավեպի մասին պատմել է People-ին տված հարցազրույցում. «Ես կուզենայի ամուսնանալ, ես հավատում եմ հեքիաթներին, սերը նույնպես դրանց շարքից է։ Իմ առաջնահերթությունները հստակ են՝ ընտանիք ստեղծել և հաճույք ստանալ դրանից, և իմ կյանքում ունենալ Աստծուն»։
Նոր ընկերը զարմացրել է Սփիրսին իր խոհարարական տաղանդով։ «Ես նրան խնդրեցի որևէ բան պատրաստել ինձ համար, նա պատրաստեց ձուկ, սունկ, ավոկադո՝ ապուրով, լոլիկ և մոցարելլա։ Դա հրաշալի էր»,- պատմել է երգչուհին։
