36-ամյա հնդիկը, հարբած տուն վերադառնալով, ծեծել է կնոջը և, լսելով երկու դուստրերի լացը, կծել է նրանց: Նա կրծել է հինգ ամսական դստեր քիթը և շուրթերը:
Փոքրիկ Ռահդան չի կարողանում նորմալ ուտել և, հնարավոր է, չի կարողանա նաև խոսել, եթե նրան պլաստիկ վիրահատության չենթարկեն: Աղջկա հորը ձերբակալել են և Հնդկաստանի օրենսգրքի մի քանի հոդվածներով մեղադրանքներ առաջադրել: Կանխամտածված ծանր մարմնական վնասվածքներ հասցնելու համար նրան 10 տարվա ազատազրկումից մինչև ցմահ բանտարկություն է սպառնում:
Ոստիկանության տվյալներով՝ 36-ամյա Բհադարը երեկոյան հարբած տուն է վերադարձել: Կնոջ հետ վեճը ծեծի է վերածվել: Տեսնելով, որ հայրը ծեծում է մորը՝ երեքամյա դուստրը սկսել է լաց լինել: Դա ավելի է բարկացրել տղամարդուն, և նա իր ցասումը երեխայի վրա է թափել: Նա կրծել է երեխայի ձեռքերը, մեջքը և մարմնի այլ հատվածներ, որից հետո գետնին է նետել: Փոքրիկ Ռահդան քնած է եղել մյուս սենյակում, սակայն ձայներից արթնացել և սկսել է լաց լինել: Այդ ժամանակ հայրը սկսել է նրան էլ կրծել:
Վախեցած կինը տագնապ է բարձրացրել: Վրա հասած հարևանները բռնել են Բհադարին և ոստիկանություն տարել:
Երեխաներին հիվանդանոց են տեղափոխել: Երեխաների կյանքին վտանգ չի սպառնում, սակայն փոքրիկին բարդ պլաստիկ վիրահատություն է սպասում:
