Իսրայելի վարչապետ Բենյամին Նեթանյահուն չի պատրաստվում հրաժարվել Հորդանան գետի Արևմտյան ափին բնակավայրեր կառուցելուց,- հայտարարել է նրա ներկայացուցիչը:
«Հնարավոր չէ բացատրել բնակավայրեր կառուցելու իմաստը աշխարհի ցանկացած երկրի իշխանություններին: Հնարավոր չէ այս հարցը պարզաբանել Գերմանիայի կանցլեր Անգելա Մերկելին և նույնիսկ Կանադայի վարչապետ Սթիվեն Հարփերին: Բնակավայրերում շինարարությունը վերածվել է խնդրի, որի պատճառով Իսրայելը կորցնում է նույնիսկ ամենահավատարիմ ընկերների աջակցությունն Արևմուտքում»,- նշել է վարչապետի ազգային անվտանգության հարցերով խորհրդատուն, որի խոսքը մեջբերում են ինտերնետ-ԶԼՄ-ները:
«Ժնևյան չորրորդ կոնվենցիայի 49 հոդվածի համաձայն՝ Իսրայելը պարտավոր է առանց որևէ նախապայմանի դադարեցնել բնակեցման ցանկացած գործունեություն: Պետք է առանց հապաղելու սկսել պաղեստինյան տարածքներ զբաղեցրած բոլոր մարդկանց դուրսբերումը»,- ասված է ՄԱԿ-ի մարդու իրավունքների հարցերով խորհրդի զեկույցում, որը հրապարակվել է կազմակերպության փորձագետների կատարած հետազոտության արդյունքներով:
Դրանում նաև նշված է, որ Հորդանանի Արևմտյան ափին իսրայելական բնակավայրերի գոյությունը խախտում է պաղեստինցիների հիմնարար իրավունքները, նպաստում է այդ շրջանում բռնության ավելացմանը,- հայտնում է Rosbalt.ru-ն:
