Apple-ի համահիմնադիր Սթիվ Վոզնյակը կարծում է, որ ամերիկյան ընկերությունը, չնայած սմարթֆոնների շուկայում ազդեցիկ հաջողություններին, պարտվում է հարավկորեական Samsung-ին։ Այս մասին նա ասել է գերմանական Wirtschafts Woche ամսագրին տված հարցարույցում:
«Ինձ թվում է, գործառույթների թվով Apple-ը զգալի հետ է մնում սմարթֆոնների շուկայում: Մյուսներն ուշքի են եկել, ակտիվ առաջ են անցնում: Samsung–ը մ եծ մրցակից է, հենց նրա համար, որ տալիս է հիանալի արտադրանք»,- ասել է Վոզնյակն՝ ի պատասխան Apple-ի վաճառքի արդյունքները գնահատելու խնդրանքին:
Նա նաև նկատել է, որ միլիոնավոր երկրպագուներ ամբողջ աշխարհում շարունակում են աջակցել Apple-ին, սակայն ընկերությանը հարկավոր է աշխատել այն բանի վրա, որ չկորցնի այդ աջակցությունը:
Ըստ Strategy Analytics վերլուծական ընկերության կանխատեսումների՝ Apple-ի մատակարարումները սմարթֆոնի շուկայում 2012 թ. աճել են 46 %-ով. ընկերությանը հաջողվել է վաճառել շուրջ 136 մլն սարք ու զբաղեցնել 19 % մասնաբաժին:
Samsung–ը 2012 թ. ամրապնդեց իր առաջնությունը համաշխարհային շուկայում՝ զբաղեցնելով դրա 30 %-ը ու մատակարարելով 213 մլն սմարթֆոն:
